O'zbekistondagi Islom sivilizatsiyasi markazi
Ilm va ma’rifat dini bo‘lgan islom Markaziy Osiyoda jahon sivilizatsiyasiga bebaho hissa qo‘shgan allomalarning yetishib chiqishiga zamin yaratdi. Imom Buxoriy, Imom Termiziy, Imom Moturidiy, Xorazmiy, Farg‘oniy, Ibn Sino, Beruniy, Mirzo Ulug‘bek kabi ulug‘ zotlarning g‘oyat boy merosini asrab-avaylash va o‘rganish islomning mohiyati bag‘rikenglik va ma’rifat to‘g‘risidagi ta’limot ekanini keng yoyishga xizmat qiladi. Prezident Shavkat Mirziyoyevning 2017-yil 23-iyundagi qarori bilan Toshkentda tashkil etilayotgan Islom sivilizatsiyasi markazining faoliyati ham shu maqsadga xizmat qiladi.
Xalqimizning noyob merosini ilmiy asosda har tomonlama chuqur o'rganadi, yurtimizdan yetishib chiqqan buyuk alloma va mutafakkirlarning hayoti va ilmiy-ijodiy faoliyati haqida yaxlit tasavvur uyg'otib ular bilan aholimiz va jahon jamoatchiligini keng tanishtiradi, xalqaro miqyosda dinlararo va svilizatsiyalararo muloqotni yo'lga qo'yadi, shu yo'nalishlarda ilmiy-tadqiqotlar olib boradi, ularning natijalari asosida qomuslar, o'quv adabiyotlar, katalog va albomlar, ilmiy-ommabop to'plamalar, teleko'rsatuv, film va boshqa materiallar tayyorlaydi.
Markaz kutubxonasi va muzey fondlarini islom dini merosiga oid manbalar va osori-atiqalar, islom dini merosini saqlashga oid milliy va chet el nashrlari bilan tizimli to'ldirib boradi, nodir va alohida qimmatli nashrlarni saqlaydi, islom dini merosiga oid respublikada hamda xorijda yaratilgan elektron kitoblar hisobidan Markaz kutubxonasi fondini boyitadi, xalqaro elektron kutubxonalar setiga ulanishni taminlaydi.
Markaz fondiga axborot resurslari, shu jumladan, yozma manbalar, adabiyotlar, kitoblar, arxiv hujjatlarni jamlash, hisobga olish, saqlash va ulardan foydalanishni amalga oshiradi, aholiga va xorijiy tadqiqotchilarga axborot-kutubxona xizmati ko'rsatish shart-sharoitlarini, shakl va usullarini takomillashtiradi, maxsus komplekslarni joriy etadi, Markaz kutubxonasi va arxivi axborot-kutubxona fondini qo'lyozma asarlar va toshbosma kitoblar, milliy va chet el nashirlari bilan tizimli to'ldirib boriadi, nashrlarning davlat bibliografik hisobini yuritadi, nodir va alohida qimmatli nashrlarni saqlaydi.
Nashr ishlarini rivojlantirish bo'yicha maqsadli dasturlarni ishlab chiqadi, sohani rivojlantirishning asosiy yo'nalishlari, yillik va istiqbolli rejalarni ishlab chiqadi va amalga oshiradi, kitob nashr etadi, elektron va audio kitoblar yaratadi, kitob mutolaasi madaniyatini oshirish sohasida dasturiy chora-tadbirlarni ishlab chiqadi va ularning amalga oshirilishini ta'minlaydi.
Kunlik: 63
Haftalik: 453
Oylik: 1437